კბილების გასწორება: ბრეკეტები თუ ელაინერები?

კბილების გასწორება (ორთოდონტია): ბრეკეტები და ელაინერები

რატომ არის საჭირო კბილების განლაგებაზე ზრუნვა?

პათოლოგიური თანკბილვა და კბილების არასწორი განლაგება მხოლოდ ესთეტიკური პრობლემა არ არის.

• ღრმა თანკბილვა ხშირად, შეიძლება იყოს მიზეზი: თავის ტკივილის, მიგრენის, სახსარში „ტკაცუნის“ ხმის, ჭამის დროს ყურებში ხმაურის;
• მჭიდროდ მდგომი კბილები ართულებს ჰიგიენურ მდგომარეობას. მასზე მარტივად გროვდება ნადები და რთულად შორდება. არადამაკმაყოფილებელი ჰიგიენა კარიესის განვითარების და ღრძილების ანთების რისკს ზრდის;
• ღრმა თანკბილვის დროს, შესაძლებელია ლორწოვანის ტრამვირება კბილის საჭრელი კიდეებით;
• თანკბილვის სხვადასხვა სახის დარღვევა იწვევს კბილების ცვეთას. კბილების ცვეთას სერიოზული ნეგატიური გრძელვადიანი შედეგები შეიძლება მოყვეს, როგორც ფუნქციური, ასევე ესთეტიკური თვალსაზრისით. გარდა ამისა, ზრდის კბილების მგრძნობელობას ცივი, ცხელი, მჟავე, ტკბილი საკვებისადმი;
• თანკბილვის დარღვევა დიქციაზეც აისახება, ამიტომაც თანკბილვის გასწორება ერთ-ერთი უმნიშვნელოვანესი საკითხია ადამიანის ცხოვრებაში.
• ძალიან ხშირად, კბილის პროთეზის ან იმპლანტაცის წინ , მოსამზადებელი ეტაპზე, ორთოდონტიული პროცედურების ჩატარება არის საჭირო.

რა შედეგს იძლევა ორთოდონტია?

ორთოდონტიული მკურნალობის მეშვეობით:

• თქვენ გექნებათ კბილთა ლამაზი მწკრივი. ეს მოგცემთ საშუალებას გქონდეთ ეგრედ წოდებული ჰოლივუდის ღიმილი!
• ქრება თავის, კისრის, შუა ყურის მუდმივი ყრუ ტკივილი;
• უმჯობესდება საკვების გადამუშავება, მისი მონელება და ამის საფუძველზე ქრება უსიამოვნო სუნი პირის ღრუდან;
• იცვლება სახის მოყვანილობა, პროფილი, ტუჩების ფორმა (რაც ხშირად ტუჩის აუგმენტაციის მსურველებს გადააფიქრებინებს ხოლმე ტუჩების ფილერით მოდელირებას), გარკვეულ შემთხვევებში შეიძლება ქონდეს გამაახალგაზრდავებელი ეფექტი;
• სწორი თანკბილვა სძენს თავდაჯრებეულობას.

ბრეკეტების ასაკი

კბილების გასწორება ნებისმიერ ასაკში არის შესაძლებელი, თუ არსებობს ამის ჩვენება. ცოტა ხნის წინ გავრცელებული აზრი, კბილების გასწორება მხოლოდ ადრეულ ასაკში იყო შესაძლებელი. ეს დებულება კბილების გასწორებასთან დაკავშირებით მოძველებულია. დღეს, თანამედროვე მეთოდების გამოყენებით, კბილების გასწორება ზრდასრულ ასაკშიც წარმატებით არის შესაძლებელი. 7 წლიდან ფუნქციური აპარატებით, ხოლო 11-12 წლიდან (როდესაც ყველა კბილი მოცვლილია) ბრეკეტ-სისტემით. არსებობს შემთხვევებიც როდესაც 11 წლამდეც ხდება ბრეკეტით მკურნალობის საჭიროება.

ორთოდონტული მკურნალობისთვის მომზადება

ორთოდონტიული მკურნალობის დაწყებამდე აუცილებელია:

• პირი ღრუს სანაცია – ყველა სამკურნალო კბილის მკურნალობა, ამოსაღები კბილების ამოღება;
• პირის ღრუს პროფესიონალური ჰიგიენა;
• კომპიუტერული ტომოგრამა – CT. მის გარეშე  შეუძლებელი მკურნალობის გეგმის შედგენა;
• სახის და პირის ღრუს ფოტო-პროტოკოლი;
• ანაბეჭდის აღება და მოდელების დამზადება, რის საფუძველზეც, ორთოდონტი არსებული სიტუაციის გულდასმით ანალიზს  ახდენს და გეგმავს მკურნალობის შესაბამის მეთოდს;
• არტიკულატორით ანალიზი – სპეციალური მოწყობილობა, რომელიც ზედა და ქვედა ყბის იმიტირებულ მოძრაობებს ასრულებს და ორთოდონტს ეხმარება ანომალიის დიაგნოსტირებას და ქვედა ყბის გასწორებაში.

ბრეკეტები

ბრეკეტებით ორთოდონტიული მკურნალობისთვის, თითოეულ კბილზე ფიქსირდება ბრეკეტი, რომელიც შეხებაშია პირის ღრუს ლორწოვანთან და აღიქმება, როგორც უცხო სხეული. მას თან ახლავს გარკვეული დისკომფორტი, თუმცა გარკვეული დროის გასვლის შემდეგ, მის არსებიბას პირის ღრუში ადამიანი ეჩვევა. ბრეტეკების გამოყენების საშუალო ხანგრძლივობაა 1.5 წელი, თუმცა, ბუნებრივია ეს ძალიან ინდივიდუალურია.

დისკომფორტის მეორე მიზეზია ბრეკეტის ღარში ჩასმული ორთოდონტიული რკალია. სწორედ, ამ რკალის საშუალებით ხდება კბილების გადაადგილების რეგულირება. რკალი იცვლება გარკვეული სიხშირით. ახალ რკალთან შეგუების დრო – 3-დან 7 დღემდე მერყეობს.

ჩვენი კლინიკა გთავაზობთ:

• უხილავ ბრეკეტებს
• ლინგვალურ ბრეკეტებს
• თვითლიგირებად ბრეკეტებს

P.S ბრეკეტების ფასებზე, ტიპებზე და მოვლაზე მეტი ინფორმაციისთვის, ესტუმრეთ ჩვენს გვერდს

რიტეინერი

იქიდან გამომდინარე, რომ შეცვლილი მდგომარეობიდან კბილები ცდილობენ საწყის პოზიციაში დაბრუნებას – ბრეკეტების მოხსნის შემდეგ პაციენტს, როგორც წესი უყენდება ე.წ. რიტეინერი, რომლის ფუნქცია არის არსებული ცვლილებების შენარჩუნება. მათი ტარება სასურველია 3 წელი მაინც ბრეკეტების მოხსნის შემდეგ. გარდა ამისა, შეიძლება იყოს საჭირო კაპის გამოყენებაც (ღამით მაინც).

ელაინერები

ელაინერები ბრეკეტისგან განსხვავებით კბილების გასასწორებელი მოსახსნელი აპარატია, რომელიც ძალიან კომფორტული და შეუმჩნეველია. ელაინერებით მკურნალობის წინ პაციენტს უნდა ჩაუტარდეს კვლევები (CT, პირის ღრუს სკანირება, ანაბეჭდების აღება) წინასწარ უნდა დაიგეგმოს კბილების გადაადგილების პროცესი და საბოლოო შედეგი. პაციენტი კაპებს იცვლის 2-3 კვირაში ერთხელ და მკურნალობის ხანგძლივობა 9 თვიდან 2 წლამდე მერყეობს.

P.S წაიკითხე ყველაფერი ელაინერებზე, გაიგე ფასი, ინფორმაცია მოვლაზე, გამოყენებაზე და ა.შ

ელაინერების უპირატესობა ბრეკეტთან შედარებით:

1. უხილავია;
2. მოსახსნელია;
3. ჰიგიენის დაცვა მარტივია;
4. კომპიუტერულად მოდელირდება საბოლოო შედეგი და განსაზღვრულია მკურნალობის ვადაც;
5. მინანქრის დაზიანების მინიმიზირება.

ბრეკეტების უპირატესობა ელაინერებთან:

1. ელაინერების გამოყენება საკმაოდ შეზღუდულ შემთხვევებშია შესაძლებელი (სადაც თანკბილვა ძალიან დარღვეული არაა (ამის აფასებს ექიმი). რთულ შემთხვევებში გამჭვირვალე ელაინერების გამოყენება შესაძლებელი არ არის;
2. ელაინერების ფასი მნიშვნელოვნად უფრო მაღალია, ვიდრე ბრეკეტების.

დასკვნა

კბილების გასწორებაზე ზრუნვა ყველა ასაკში ამა თუ იმ გზით შესაძლებელია და ძალიან ბევრი დადებითი ეფექტი აქვს. ჩვენს სტომატოლოგიურ კლინიკაში თბილისში ასევე შეგიძლიათ ჩაიტაროთ შესაბამისი მკურნალობა, თქვენ მოგემსახურებათ პროფესიონალი ორთოდონტი და ჩაგიტარდებათ პროცედურები ყველაზე თანამედროვე აპარატებით და მასალით!

FAQs:

რა ღირს ბრეკეტების გაკეთება?

ბრეკეტების ფასი 900 ლარიდან იწყება. ფასი იზრდება მდგომარეობის, თანკბილვის შეფასების შემდგომ, რისთვისაც აუცილებელია სტომატოლოგიური კონსულტაცია. მოქმედებს თიბისის და საქართველოს ბანკის განვადება!

რა ღირს ელაინერების გაკეთება?

ელაინერების ფასი 8000 ლარიდან იწყება. მეტი დეტალისათვის დაგვიკავშირდით: 0322 50 00 68. მოქმედებს თიბისის და საქართველოს ბანკის განვადება!

დაგვიტოვეთ თქვენი საკონტაქტო მოცემულ გვერდზე და ჩვენ თავად დაგიკავშირდებით!