პაროდონტიტი (ღრძილების ანთების მკურნალობა)

რიხტერის სტომატოლოგიურ კლინიკაში ღრძილების დაავადებების მკურნალობა პაროდონტიტის განვითარების ნებისმიერ ეტაპზე ხდება. მიუხედავად ამისა, ადრეული მკურნალობა შემდგომი გართულებებისგან ეფექტურად გვაზღვევს და პროცესიც გაცილებით სწრაფად და მარტივად წარიმართება.

ღრძილების დაავადება საწყის ეტაპზე უსიმპტომოდ მიმდინარეობს. უსიამოვნო და ხშირად მტკივნეული სიმპტომები მხოლოდ დროთა განმავლობაში იჩენს თავს.

რა იწვევს პაროდონტიტს?

1. პაროდონტიტის გამომწვევ მიზეზებად სახელდება:
2. პირის ღრუს ჰიგიენის ნაკლებობა
3. თამბაქოს მოხმარება
4. გენეტიკა
5. არასწორი კვება
6. სომატური დაავადებები (ც-ჰეპატიტი, გულსისხლძარღვთა დაავადებები, შაქრიანი დიაბეტი…)
7. ჰორმონალური ცვლილებები
8. სხვადასხვა მედიკამენტი
9. ასაკი
10. სტრესი
11. არასწორი თანკბილვა

როგორ მივხვდეთ, რომ პაროდონტიტის მკურნალობა გვჭირდება?

როგორც ზევით ვახსენეთ, პაროდონტიტი საწყის ეტაპზე უსიმპტომოდ მიმდინარეობს, თუმცა სტომატოლოგთან კონსულტაცია დაავადების ადრეულ დიაგნოსტიკაში გვეხმარება.

თუ უსიმპტომოდ მიმდინარე ღრძილების დაავადება საწყის ეტაპზე ვერ შევამჩნიეთ, ქვემოთ ჩამოთვლილი გართულებების არსებობის შემთხვევაში, აუცილებელია, დაუყოვნებლივ მიმართოთ სტომატოლოგს:

• სისხლდენა ღრძილებიდან;
• ღრძილების ტკივილი;
• ღრძილების შეშუპება;
• ღრძილების დაშორება;
• ღრძილების ჰიპერემია;
• კბილების მორყევა, კბილების გადანაცვლება;
• უსიამოვნო სუნი პირის ღრუში;
• ტკივილი და დისკომფორტი;

პაროდონტიტის მკურნალობა

ადრეულად აღმოჩენილი პაროდონტიტის შემთხვევაში კონსერვატულ მკურნალობას მივმართავთ. კონსერვატული მკურნალობა მოიცავს ნადების სტომატოლოგიურ წმენდას კარიესის მოსაშორებლად, სკალირებისა და ფესვების დამუშავებას, ბაქტერიული ინფექციის პრევენციისთვის ანტიბიოტიკის გამოყენებას.

უფრო რთულ ფორმებში გამოვლენილ პაროდონტიტს შემდეგი სიმპტომები ახასიათებს: ღრმა პაროდონტალური ჯიბეები, ენისა და ტუჩის მატრავმირებელი ლაგმები, ღრძილის რეცესიები და ესთეტიური ჩვენებები. ასეთ შემთხვევებში სამკურნალოდ ლაზერული თერაპია ან ქირურგიული ჩარევა ხდება საჭირო.

დაიმახსოვრეთ, ღრძილების ანთების მკურნალობა სტომატოლოგის კაბინეტში არ სრულდება. უდიდესი მნიშვნელობა აქვს პროცედურის შემდეგ პირის ღრუს მოვლას სახლის პირობებში.

ღრძილების მკურნალობა ადრეულ ეტაპზე მნიშვნელოვნად ზრდის დაავადების უმტკივნეულოდ, ზედმეტი დისკომფორტის გარეშე დამარცხებას. გაიარეთ რეგულარული კონსულტაცია რიხტერის სტომატოლოგებთან და დაიზღვიეთ თავი შესაძლო რისკებისგან.

FAQs

დაკავშირებულია თუ არა პირის ღრუში უსიამოვნო სუნი პაროდონტიტთან?

დიახ, უსიამოვნო სუნის გამომწვევი ერთ-ერთი ყველაზე გავრცელებული მიზეზი ღრძილების დაავადებაა.

როგორ მოვუაროთ პირის ღრუს პროცედურის შემდეგ?

პროცედურის შემდეგ აუცილებელია ექიმის კონკრეტული რეკომენდაციების გათვალისწინება და ჰიგიენის ნორმების ზედმიწევნით დაცვა.

როგორ დავიცვათ პაროდონტიტისგან?

პაროდონტიტს ხშირად წინ უძღვის გინგივიტი, რომლის შეჩერებაც სწორი ხეხვით, კბილის ძაფისა და სავლებების გამოყენებით შეიძლება.