ექიმის რჩევები პაროდონტიტზე

ექემი ლელა ნემსაძე გპასუხობთ ხშირად დასმულ შეკითხვებზე:

რა არის პაროდონტიტი?

პაროდონტიტი ქრონიკული ანთებითი დაავადებაა, დაკავშირებულია კბილის ნადებში არსებულ ბიო აპკთან და ხასიათდება კბილის საყრდენი ქსოვილების დესტრუქციით.

რა არის პაროდონტიტის დაავადების ნიშნები?

• პაროდონტული ქსოვილების პროგრესირებადი დაკარგვა;
• პაროდონტული ჯიბის არსებობა;
• ღრძილებიდან სისხლდენა;
• ღრძილზედა და ღრძილქვეშა კბილის ნადები და ქვა;
• ღრძილის ჰიპერემია, შეშუპება;
• ალვეოლური ძვლის დესტრუქცია;
• კბილის პათოლოგიური მორყევა;
• კბილის მდებარეობის ცვლილება;
• კბილის დაკარგვა;

როგორ ხდება ამ დაავდების დიაგნოსტიკა?

ანამნეზის შეკრება, ყბა-სახის მიდამოს გარეგანი დათვალიერება, პირის ღრუს დათვალიერება. ექიმი პაროდონტოლოგი ავსებს პაროდონტოლოგიურ რუქას, სადაც აღნიშნავს თითო კბილის 6 წერტილში პაროდონტოლოგიური ჯიბის ზომას, სისხლდენას, ნადებს , კბილის მორყევის ხარისხს და სხვა ბევრ დეტალს. შემდეგ, ამ რიცხვთა გამოანგარიშებით ადგენს პაროდონტიტის დაავდების სიმძიმის ხარიხს.

რა არის პაროდონტიტის მკურნალობის ეტაპები?

პაციენტის განათლება (პაციენტ უნდა განემარტოს, თუ რა ფაქტორებს უკავშირდება მისი დაავადების განვითარება);

პაციენტის მოტივაცია (პაციენტს უნდა განემარტოს, თუ რატომ არის მნიშვნელოვანი ყველა რეკომენდაციის შესრულება);

პირის ღრუს ინდივიდუალური ჰიგიენის ინსტრუქტაჟი (უნდა მოხდეს ინდივუდუალური ჰიგიენური საშუალებების შერჩევა);

ადგილობრივი რისკ-ფაქტორების კონტროლი;

კბილის ზედაპირზე არსებული რბილი და მაგარი ნადებების მოცილება;

საჭიროების შემთხვევაში ღრძილქვეშა ინსტრუმენტირება;

მკურნალობის დამატებითი მეთოდების გამოყენება;

საჭიროების შემთხვევაში პაროდონტოლოგიური ქირურგიული მკურნალობა;

დამხმარე შემანარჩუნებელი თერაპია, რაშიც იგულისხმება რეგულარული ვიზიტი პაროდონტოლოგთან მისთვის შერჩეული დროების შესაბამისად.

რა არის პაროდონტიტის დაავადების ზოგადი რისკ-ფაქტორები?

• ასაკი – ერთი და იგივე სიმძიმის ან ფორმის პაროდონტიტი დაავადებულ სხვადასხვა ასაკის პაციენტს შორის დაავადების პროგრესირება ახალგახდა პაციენტს უფრო მაღალი აქვს;
• გენეტიკური წინასწარგანწყობა
• თამბაქოს მოხმარება – მწეველებში პაროდონტი ქსოვილების შეხორცების და გამოჯანმრთელების პროცესი გაცილებით უფრო რთულად მიმდინარეობს არამწეველებთა შედარებით;
• სისტემური დაავადებები – მაგალითად, პაციენტები არაკონტროლირებადი დიაბეტით, უფრო მციმე ფორმის პაროდონტიტით ავადობენ და ასეთ პაციენტებში პაროდონტული ჭრილობების შეხორცება გაცილებით რთულად მიმდინარეობს;
• სტრესი, უძილობა და არასრულფასოვანი კვება.

რას ურჩევდით პაროდონტიტის მქონე პაციენტებს?

მიმართეთ სტომატოლოგიურ კლინიკას დაავადების განვითარების ადრეულ ეტაპზე – ეს უფრო სასურველი და საიმედოა. ნუ შეუშინდებით ჩამოთვლილი მკურნალობის ეტაპებს და დროულად მიმართეთ სპეციალისტს. არ დააიგნოროთ კბილების გახეხვის დროს სისხლდენა, ეს ერთგვარი განგაშია ორგანიზმის მიერ – ის გაცნობებთ ამ ან სხვა დაავადების არსებობაზე.