კბილის ამოღება

 

კბილის ამოღება სტომატოლოგიური პროცესია, რომელიც მიზნად ისახავს ერთი ან რამდენიმე კბილის ამოღებას მათი ბუდეებიდან. ამ სერვისს რიხტერის კლინიკაში გამოცდილი სტომატოლოგები ახორციელებენ, რომლებიც პროცედურის განმავლობაში პაციენტების კომფორტს და უსაფრთხოებას უზრუნველყოფენ.

კბილის ამოღება საჭირო ხდება გარკვეულ შემთხვევებში გამოუსწორებელი დაზიანების, კბილთა მწკრივის გადატვირთულობის ან სხვა გარკვეული მიზეზების გამო. კბილის ამოღებამდე პაციენტი შემოწმდება ჩვენი სტომატოლოგის მიერ. მხოლოდ ამის შემდეგ დადგინდება კბილის ამოღების საჭიროება, რადგან ეს პროცედურა მხოლოდ იმ შემთხვევაში ტარდება, როდესაც სხვა ვარიანტი არ არის დარჩენილი.

კბილის ამოღება სჭირდებათ პაციენტებს, რომლებსაც:

  • დაზიანებული აქვთ კბილი და საჭიროა ჩირქიანი კბილის ამოღება;
  • დაზიანებული აქვთ სიბრძნის კბილი, რომელიც იწვევს ტკივილს, დაბინძურებას პირის ღრუში და უქმნის საფრთხეს დანარჩენ კბილებს;
  • სიბრძნის კბილის გამო დარღვეული აქვთ თანკბილვა და საჭიროა;
  • გართულებული ღრძილების ანთების გამო დაზიანებული აქვთ კბილი/კბილები;

დენტალური ექსტრაქციის მიზანია, გაუქროს პაციენტს ტკივილი, ხელი შეუშალოს ინფექციის გავრცელებას და მოაწესრიგოს თანკბილვა. რიხტერის კლინიკაში კბილის ამოღება შესაძლებელია როგორც ზრდასრულებისთვის, ისე ბავშვებისთვისაც. ამ შემთხვევაში ჩვენი სტომატოლოგები მიმართავენ განსაკუთრებულ ხერხებს პატარებისთვის კომფორტული და სახალისო გარემოს შესაქმნელად.

როგორ მიმდინარეობს დენტალური ექსტრაქცია?

  1. კონსულტაცია: ექიმი სტომატოლოგიურ კონსულტაციას ჩაატარებს პაციენტთან, შეაფასებს მის დენტალურ მდგომარეობას და დაადგენს, საჭიროა კბილის ამოღება თუ შესაძლებელია პრობლემის სხვა გზით მოგვარება, მაგალითად, კბილის დაბჟენით, ღრძილების დაავადების მკურნალობით და სხვ.
  2. მომზადება პროცედურისთვის: მას შემდეგ, რაც კბილის ამოღების საჭიროება დადგება, პაციენტს სტომატოლოგი დეტალურად აუხსნის პროცესის შინაარსს, გააცნობს მიმდინარეობას და მისცემს რჩევებს.
  3. კბილის ამოღება: თუ კბილი ბოლომდე ამოსულია, პროცესი მარტივი ექსტრაქციით შემოიფარგლება; უფრო რთულ შემთხვევებში, როცა კბილი დაზიანებულია ან რთულად მისაღწევია, საჭირო ხდება ქირურგიული ჩარევა.
  4. შემდგომი მოვლა: პროცედურის დასრულების შემდეგ რიხტერის სტომატოლოგები პაციენტს მისცემენ რეკომენდაციებს, რომლებიც აუცილებელია დისკომფორტის, შეშუპებისა და სისხლდენის თავიდან ასაცილებლად.

FAQs

რა დრო სჭირდება კბილის ამოღებას?

პროცედურის ხანგრძლივობა დამოკიდებულია ინდივიდუალურ გარემოებებსა და მდგომარეობის სირთულეზე. ზოგიერთი პაციენტისთვის ერთი ვიზიტიც საკმარისია, სხვებისთვის კი მეტი დროის გამოყოფაა საჭირო.

რამდენად მტკივნეულია კბილის ამოღება?

კბილის ამოღების წინ სტომატოლოგი ადგილობრივ ანესთეზიას იყენებს, რის შედეგადაც ნულამდე დაიყვანება ტკივილისა შანსი. პოსტ-ოპერაციული გართულებებისგან თავის დასაზღვევად და დისკომფორტის ასაცილებლად სტომატოლოგი შესაბამის რეკომენდაციებს მოგცემთ.

როგორ უნდა მოვემზადოთ კბილის ამოღებისთვის?

პროცედურამდე მოსამზადებელ რეკომენდაციებს სტომატოლოგიური კონსულტაციის განმავლობაში თქვენი ექიმი მოგაწვდით, ისევე, როგორც რჩევებს შემდგომი მოვლისთვის.

რა ალტერნატივა არსებობს კბილის ამოღებისთვის?

პაციენტის მდგომარეობის მიხედვით, შესაძლოა უპირატესობა მიენიჭოს ფესვის არხის მკურნალობას, ღრძილების ანთების მკურნალობას და სხვ, თუ დარღვევები ჯერ ისევ საწყის ფაზაშია.

×