სტომატოლოგია
კბილის იმპლანტი თბილისში
დენტალური იმპლანტაცია, ცნობილი, როგორც კბილების იმპლანტაცია, ადენტიის მკურნალობის ერთ-ერთი საუკეთესო მეთოდია! იმკურნალე ჩვენს სტომატოლოგიურ კლინიკაში!
დენტალური იმპლანტაცია ერთ-ერთი ყველაზე პოპულარული სტომატოლოგიური სერვისია, რომელიც უკბილობის, იგივე ადენტიის მკურნალობას მოიაზრებს. კბილის იმპლანტაცია ტარდება მხოლოდ იმ შემთხვევაში, როცა კბილი სრულად არის დაკარგული და არ არსებობს ფესვიც.
დენტალური იმპლანტაცია საჭიროა მათთვის, ვისაც ერთი ან რამდენიმე კბილი სრულად აქვთ დაკარგული. გარდა იმისა, რომ დაკარგული კბილი ჩვენს პირის ღრუს ვიზუალზე ახდენს გავლენას, სხვა გართულებებიც ახასიათებს: კბილის დაკარგვით გამოწვეული სიცარიელის გამო ირღვევა თანკბილვა, რის გამოც ზიანდება ჯანსაღი კბილებიც. გარდა ამისა, დროთა განმავლობაში უკბილობამ შეიძლება გამოიწვიოს ძვლის განლევა და ღეჭვითი ფუნქციის დარღვევა.
საუკეთესო ალტერნატივა
დღეს კბილის დაკარგვით გამოწვეული სიცარიელის ამოსავსებად რამდენიმე მეთოდი არსებობს. მიუხედავად იმისა, რომ მათი უმრავლესობა ეფექტურია, დენტალური იმპლანტაცია ყველაზე პოპულარულ ვარიანტად რჩება. ამის მიზეზი ისაა, რომ კბილის იმპლანტი ბუნებრივი კბილის იდენტური ანალოგია. ის სრულად იმეორებს კბილის დიზაინს და ითავსებს ფუნქციებს. იმპლანტი იმდენად ბუნებრივად ერწყმის კბილის ღრუს, რომ მისი გარჩევა დანარჩენი კბილებისგან შეუარაღებელი თვალისთვის შეუძლებელია.
პროცედურის მიმდინარეობა
კბილის იმპლანტაცია რამდენიმე ეტაპად იყოფა:
სტომატოლოგიური კონსულტაცია
რიხტერის სტომატოლოგიურ კლინიკაში თითოეული პროცედურის წინ ინდივიდუალური კონსულტაცია ტარდება. დენტალური იმპლანტაციისთვის რიხტერის სტომატოლოგები ეყრდნობიან პაციენტის 3D სტომატოლოგიური კომპიუტერული ტომოგრაფიის შედეგებს, სადაც დეტალურადაა ასახული კბილის მყარი ქსოვილი. ეს გვაძლევს სტომატოლოგიური „რუკის“ სრულ სურათს.
გარდა ამისა, სტომატოლოგი შეაფასებს პაციენტის ზოგად ჯანმრთელობას და სამედიცინო ისტორიას.
ფესვის გადანერგვა
მეორე ეტაპზე დაკარგული კბილის ადგილას, ყბაში მოთავსდება ხელოვნური ფესვი, რომელიც ტიტანისგანაა დამზადებული. იმისთვის, რომ პროცედურა წარმატებული იყოს, სტომატოლოგმა ფესვი ისე უნდა მოათავსოს, რომ მის გარშემო რბილი ქსოვილების განვითარებას არ შეუშალოს ხელი. სწორად მოთავსებული ფესვი რამდენიმე თვეში შეერწყმევა ძვალს, რის შემდეგაც მასზე მოთავსდება აბატმენტი, იმპლანტის ის ნაწილი, რომელიც ფესვსა და გვირგვინს აკავშირებს ერთმანეთთან.
გვირგვინის მოთავსება
საბოლოო ეტაპი ხელოვნური გვირგვინის განთავსებაა. სწორად განთავსებული გვირგვინი ვიზუალურად ბუნებრივი კბილების იდენტურია.
რიხტერის სტომატოლოგიურ კლინიკაში კბილის იმპლანტაციის გარდა ტარდება ისეთი ქირურგიული პროცედურებიც, როგორიცაა კბილის ამოღება, ძვლის აუგმენტაცია და სინუს ლიფტინგი.
რიხტერის კარი ღიაა მათთვისაც, ვისაც ესთეტიკური სტომატოლოგიური სერვისებით სურსთ სარგებლობა. ჩვენი გამოცდილი პროფესიონალები თქვენი საჭიროებების მიხედვით შემოგთავაზებენ ბრეკეტებს, ელაინერებს, ვინირებსა და სხვ.
FAQs
რამდენად მტკივნეულია პროცედურა?
რიხტერის კლინიკაში დენტალური იმპლანტაცია სრულიად უმტკივნეულო, სწრაფი და კომფორტულია.
როგორ მოვუაროთ კბილის იმპლანტს პროცედურის შემდეგ?
პირის ღრუს ჰიგიენის დაცვით დიდი ხნის განმავლობაში შეინარჩუნებთ კბილის იმპლანტს გართულებების გარეშე, თუმცა, აუცილებელია გარკვეული პერიოდულობით სტომატოლოგთან კონსულტაციის გავლაც.
რატომ უნდა ჩაისვათ კბილის იმპლანტი?
დენტალური იმპლანტაცია არის საუკეთესო მეთოდი დაკარგული კბილის ადგილას სიცარიელის ამოსავსებლად, კბილთა მწკრივის ერთიანობის შესანარჩუნებლად და სასიამოვნო ღიმილისთვის.
რა დროა საჭირო გამოჯანმრთელებისთვის?
პროცედურის ჩატარებიდან სულ რაღაც რამდენიმე დღეში თქვენი პირის ღრუ ბუნებრივ მდგომარეობას დაუბრუნდება და ჩვეულებრივ განაგრძობს ფუნქციონირებას.
კითხვა-პასუხი
ხშირად დასმული კითხვები
კბილის იმპლანტის ფასი თბილისში დამოკიდებულია იმპლანტის სისტემაზე, იმაზე, საჭიროა თუ არა ძვლის პლასტიკა ან სინუს-ლიფტინგი, და ზემოდან დასმული გვირგვინის ტიპზე. იმპლანტაცია საქართველოში მნიშვნელოვნად იაფია, ვიდრე დასავლეთ ევროპაში. ხარჯთაღრიცხვას წერილობით გასცემთ 3D ტომოგრაფიის შემდეგ, ამიტომ მასში ყველა ეტაპი შედის და არა მხოლოდ იმპლანტი.
ერთი იმპლანტის დაყენებას ერთ საათზე ნაკლები სჭირდება, მაგრამ შემდეგ იმპლანტს ძვალთან შესაზრდელად დაახლოებით სამიდან ექვს თვემდე სჭირდება, სანამ მუდმივი გვირგვინი დაისმება. თბილისში ჩამომსვლელი პაციენტები ჩვეულებრივ ორ მოგზაურობას გეგმავენ: პირველზე ოპერაცია, მეორეზე გვირგვინი. შუალედში დროებითი კონსტრუქცია დგას.
All-on-4 და All-on-6 მთელ ყბას აღადგენს ოთხ ან ექვს იმპლანტზე, ყოველ კბილზე ცალკე იმპლანტის ნაცვლად. მეთოდი შეესაბამება პაციენტებს, რომლებმაც კბილების უმეტესობა დაკარგეს ან სრულ პროთეზს ატარებენ, და ნაკლებ ქირურგიასა და ნაკლებ დროს მოითხოვს. 3D ტომოგრაფია აჩვენებს, საკმარისია თუ არა ძვლის მოცულობა.
ოპერაცია ადგილობრივი ანესთეზიით ტარდება, ამიტომ წნევას და არა ტკივილს იგრძნობ. პაციენტების უმეტესობა მომდევნო დღეებს კბილის ამოღებას ადარებს — შეშუპება და მგრძნობელობა, რაც ჩვეულებრივი ტკივილგამაყუჩებლებით იხსნება. იმპლანტოლოგი წინასწარ განმარტავს, რას უნდა ელოდო, და წერილობით რეკომენდაციებს იღებ.
ხშირად დიახ, მაგრამ შესაძლოა წინასწარ დაგჭირდეს ძვლის პლასტიკა ან სინუს-ლიფტინგი, რომ იმპლანტისთვის საკმარისი ძვალი აღდგეს. ორივე ოპერაციას კლინიკაში ვატარებთ. 3D ტომოგრაფია ზომავს ძვლის რეალურ მოცულობასა და სიმკვრივეს — სწორედ ამ მონაცემებით წყდება, საჭიროა თუ არა მომზადება.
სტომატოლოგია და სახის ესთეტიკა თბილისში